To Advertise on this Blog please Call: +255 (0)656 56 13 14 or Email: maishablog@yahoo.com                                                 To Advertise on this Blog please Call: +255 (0)656 56 13 14 or Email: maishablog@yahoo.com

Friday, 26 August 2011

KIKONGWE ALALA NA MAITI SIKU 6 AKIDAI ALIKUWA HAJUI LOLOTE, ARIPOTI MSIKITINI KUWA ANADHANI KUNA MAITI NYUMBANI MWAKE!


 MAANDALIZI YA KUUTOA MWILI WA MAREHEMU



 MASHUHUDA WA TUKIO HILO KATIKA MTAA WA ILOLOMAANDALIZI YA KUUZIKA MWILI WA MAREHEMU
 MAANDALIZI YA KUUZIKA MWILI WA MAREHEMU

 IBADA YA MAZISHI YA MAREHEMU SALEHE
 BAADHI YA WAUMINI WA MSIKITI WA SOWETO WAKINAWA BAADA YA MAZISHI

IMAMU ELIASA SELEMANI WA MSIKITI WA SOWETO JIJINI MBEYA AKIMWOMBEA DUA MAREHEMU KWA MWENYEZI MUNGU 
* Yasemekena aliwahi kumuua mkewe na kufungwa jela miaka 8
· * Wanakijiji wamtaka ahame, Polisi yaingilia kati

KIKONGWE mwenye umri wa miaka 85 aliyefahamika kwa jina la Sadiki Salehe mkazi wa Ilolo kata ya Ruanda Jijini Mbeya amejikuta matatani kufuatia kulala na maiti ya mtoto wake pekee kwa siku sita.

Habari za kuaminika kutoka kijijini hapo zimesema kuwa wakati harufu hiyo ikiendelea kuzagaa eneo la nyumba yake na majirani, Kikongwe huyo alikuwa akiendelea kuandaa futari karibu na mlango wa chumba cha marehemu hasa ukizingatia huu ni mwezi mtukufu wa Ramadhani.

Mtoto wa kikongwe huyo alijulikana kwa jina la Salehe Sadiki(38) kwa mara ya mwisho alionekana Jumatano ya wiki liliopita(Agosti 17, 2011).

Kikongwe huyo alipohojiwa alisema kuwa Jumatano ya Agosti 24 mwaka huu akiwa nyumbani kwake alikuwa anahitaji dishi la kuogea ambalo lilikuwa katika chumba cha marehemu ambaye alikuwa akiishi nje ya nyumba ambayo ilikuwa ikitizama na ya baba yake umbali wa meta 1.5.
Na mara baada ya kuchukua hatua ya kutaka dishi hilo ndipo alipoenda na kugonga mlango wa chumba cha marehemu na kukuta mlango ukiwa umefungwa huku harufu ikitoka kwa mbali.

Harufu hiyo ilimshtua kikongwe huyo ambaye aliamua kwenda msikiti wa Soweto uliopo Jijini Mbeya kwa Imamu Eliasa Selemani ambaye naye alimtaarifu balozi wa mtaa huo Iddi Malole kuhusu tukio hilo.

Imamu Eliasa na Balozi Malole kwa pamoja walimtaarifu Mwenyekiti wa Mtaa wa Ilolo Benson Mbwana kuhusu tukio hilo la kushangaza ambaye alimua kutoa taarifa katika kituo cha Polisi Mwanjelwa.

Kituo cha Polisi cha Mwanjelwa kilishindwa kushughulikia suala hilo ambalo lilipelekwa katika kituo cha Polisi cha Kati (CENTRAL POLICE) ambacho kiliruhusu kuzikwa kwa mwili huo ambao ulikuwa umeharibika vibaya kwa kupasuka huku Polisi ikiendelea na uchunguzi wa tukio hilo.

Wakati Polisi wakitoa amri ya kuzikwa kwa mwili huo wakazi wa mtaa huo walipandwa na hasira kufuatia tukio hilo na walisikika wakisema kuwa sio mara ya kwanza kwa mzee huyo ambaye hapo awali alimuua mkewe na kumweka uvunguni mwa kitanda kwa zaidi ya siku nne hali iliyomfanya atumikie kifungo cha zaidi ya miaka 8 jela kutokana sakata hilo.

Polisi walipoona hayo ilimuondoa mzee huyo eneo la tukio kwa nguvu ili kunusuru maisha yake.

Wakati polisi ikiondoka na mzee huyo wakazi hao walisikika wakisema mzee huyu hatakiwi kurudi tena kijijini hapo kutokana na vitendo hivyo licha ya sura yake ya upole aliyonayo na kushinda msikitini.

Aidha Mwenyekiti wa mtaa huo alisema sula hilo sasa limo mikononi mwa Jeshi la Polisi hivyo watalishughulikia ipasavyo.

Inatoka mbeya yetu blog

1 comment:

Goodman Manyanya Phiri said...

"...wakazi wa mtaa huo walipandwa na hasira kufuatia tukio hilo na walisikika wakisema kuwa sio mara ya kwanza kwa mzee huyo ambaye hapo awali alimuua mkewe na kumweka uvunguni mwa kitanda..."


Nao wanakijiji waache hasira za kipumbavu. Mtu huku amefiwa wao wanaleta mashtaka ya kijinga! Wao sheria walisoma chuo gani kama kweli ni wasomi?


Jamaani nanyi serikali zetu Afrika kote: tuanzishe wote elimu ya bure na ya lazima hadi kidato cha mwisho ili kuondoa ujinga wa hao wanakijiji na ndugu zao kote Barani Afrika la sivyo Ulaya wataendelea kututawala milele na milele.


Tena habari hizo nazisoma baada ya kusoma habari zingine za hapa Bondeni kuhusu wajinga kumi na moja waliemuua padre kwakudai eti anayo mboo ya uchawi yenye uwezo wa kujitoaga mwilini mwake na kutanga-tanga usiku ili kuwasumbua wake zawatu!

http://www.globalpost.com/dispatches/globalpost-blogs/weird-wide-web/south-africa-magic-penis-killing-curse